Hin Ratain Rah Me APK

سنڌ جي هاري تحريڪ تي محب ڀيل جو ڪتاب « هن رتائين راهه ۾ » ڀاڱو پهريون سنڌ واسين لاء انتهائي اهم قلمي پورهيو آهي. هن ڪتاب جو سرجيندڙ هن ڀونء (سنڌ ڌرتيء ماتا) جي وارثن ۽ ارتقائي ابتدائي ڀاڳين دراوڙن جو رت آهي. جنهن جي وڏڙن هزارين ورهين اڳ جڏهن دنيا جهان جا انسان اڃان حيواني حيثيت ۾ ڇڙوڇڙ زندگي سان جھنگلن, جبلن ۽ ڌرتيء جي ڏرڙن ۾ جيئڻ جي جياپي لاء بقا جي جنگ لڙي رهيا هئا انهي زماني ۾ هنن انتهائي دانائي سان دنيا جي عظيم و قديم سنڌو تهذيب موهين جو دڙو واري دنيا جي زماني کي بام عروج تائين پڄائي پنهنجي محنت, عقل, علمي حيثيت جو بول بالا ڪندي غيرمهذب سماج ۾ تهذيب ۽ تمندن جي راهه تي گامزن ڪرڻ لاء مکيه ڪردار ادا ڪيو. پر هنن جا هاڻوڪا حال ڏسي هنن ڳالهين سان ڪو متفق ٿئي يا نه پر حقيقت بحرحال حقيقت هوندي آهي. دراوڙن جي حق حاڪميت کان ويندي بدترين غلامي جي انجام سفر تائين جي سببن سان تاريخ ڀري پئي آهي. جنهن تي پڻ نهايت ئي تفصيل سان لکڻ جي ضرورت آهي.